أبيات فريدة

من حل دار النـاس حلـوا ديـاره
لا بد مـا تسكـن بـلاده ويغبـن
ومن شق ستر الناس شقوا ستـاره
ومن ضحك بالثرمان يضحك بلاسن

(شـالح بن هـدلان)

*****************************

إليا خاب ظني بلرفيق الموالي
مالي مشاريه على باقي الناس
ياجعل قصر مايجي له ظلالي
ينهد من عالي مبانيه للسـاس

(محمد الاحمد السديري)

***********************

كم واحدٍ له غايةٍ مـا هرجهـا
يكنها لوهـو للادنيـن محتـاج
يخاف من عوجاً طوال عوجهـا
هرجت قفا يركض بها كل هراج

(محمد الاحمد السديري)

***************************

ترى حلاة الخوي ليا طالت المـده
ماهوب نوب صديق ونوب قوماني
رفيقي اللي مصافيني على الشـده
وإلا الرخا واجد ربعي وصدقانـي

(سليمان بن شريـم)

***********************

الأعمار ما يبقى بها مثل مامضى
والأيام م اللي فات منهـا بعايـد
نعـد الليالـي والليالـي تعدنـا
والعمر يفنـى والليالـي بزايـد

(راشـد الخـلاوي)

********************

وابغى ثلاث منك من غير منه
الدين الأول والكرم والشجاعـه
والرجل لا من الثلاث أفختنـه
لا ينبغى قربه ولا به طماعـه

(سعـد بن هتيـل الدوسـري)

*********************

الطيب ما نستكثره من هـل الطيـب
اللي لهم في ماكـر الطيـب خبـره
أوسع على الاجواد من روضة أشعيب
واضيق على الانذال من ثقب اللإبره

(حامـد بن مايقـه الحبـابـي)

*********************

قوم اليا جيتها صكـت حواجبهـا
وأبدت لي البغض في مقفاي واقبالي
وقوم اليا جيتهـا رفـت شواربهـا
بالضحك وقلوبها فيها الردا كالـي

(بـديـوي الوقـداني)

******************

يدلك على الرجـال هرجـه اليا هرج
ويدلك على نيـات قلبـه حركـاتـه

(رشيـد الزلامـي)

****************

فتـى بلا عزم حياتـه مذله
والعزم لقلوب الرجال طبيب
ومن لا صبر بالعسر ما ذاق يسرها
وباب الفرج للصابرين قريب

(محمد الاحمد السديري)

******************

افتك من العيات بأنصاف مالك
و إن عيوا العيات بالمال كله
خويك الطيب ليا ضقت يرضيك
والا الردي لا ضقت قفى وخلاك

*****************

ودنا بالطيب بس الزمن جحاد طيب
كل ما تخلص مع الناس كنك تغشها
يدك لامدة وفا لا تحرى وش تجيب
كان جاتك سالمه حب يدك وخشها

(سعـد بن جـدلان)

***************

ان ساعفت دنياك بالحال والمال
تحمد الوالـي وباعـد قرينـك
ون كان بك عدلات الايام ميال
تمسي مقل وغلمة ضاهدينـك

(عبدالله بن سبيـل)

****************

الاجـواد ون قاربتهـم ماتملهـم
والانذال ون قاربتهم عفت مابهـا
الاجواد ون قالوا حديث وفوا بـه
والانذال منطوق الحكايا اكذابهـا
الاجواد مثل العد من ورده ارتوى
والانذال لاتسقي ولاينسقـا بهـا

(محمـد المهـادي القحطـانـي)

***************

العشرة اللي ماتوثق علـى سـاس
تطيح لو صارت حصون طويلـه
صبرت صبر صابني منه وسواس
صبر له النفـس العزيـزة ذليلـه
من يتبع المقفي مـرده للافـلاس
مثل الذي بالقيض يدفـق صميلـه

(عبدالله اللويحان)

***************

اللي يتيه الليل يرجي النهارا
واللي يتيه القايلة من يقديـه

(مويضي البرازية المطيرية)

****************

العي عي لين يبلشك وهو عي
فإلى بلش وابلشك كب المعايا

(الشيخ مناحي الهيضل)

****************

اوف الرجـل حقوقها قبل تاتيك
لاتوفيه بالقـول بالحـق تقفـاك

(بركـات الشريف)

***************

ما يرتجى من قاصر العزم فزعه

 ولا ينشكى حالٍ على غير عارفه

 

(عبدالله بن صقيه)

********************

من لا تعب قبل حل الشيب
دروب المشاكيل فاتنه
ومن مات ماادرك علوم الطيب
عميت عيونٍ ينوحنه

(ماجد بن عمر بن ربيعان)

****************

ترى الشرف ماهوب بالخال والأبو
ولا بحسن الوجه والتصميم
ولا التطاول بالنسب ترفع الرتب
لاصرت في كل الامور غشيم

(عبدالله بن رمضان)

*********************

إذا أحترمت الناس زاد أحترامك
والناس عز إنفوسها من شرفها

(جزاء بن صالح الحربي)

*****************

ترى شور من لا يستشيرونه الملا
شمعة نهارٍ في ضيا الشمس ذايبه

(راشد الخلاوي)

*****************

كل يعود لاصل جده ومرباه
راع الشرف يشرف والانذال يهبون

الامير خالد الفيصل

الله يجازي من يسوي سواتك

وبذنوب من سوى سواتك يجازيك

مشيت درب الغلط وتحب ذاتك

ماتدري انه للمهالك يوديك

غرك جمالك ياخساره حلاتك

ماتدري ان ماغير دينك يحليك

بتقول زينك يشفع لسيآتك

الحسن ماهو عن وفا التقوى يعفيك

لو الدين والأخلاق من سماتك

بعت الحبايب كلهم دين واشريك

لكن عجزت اغيرك ياجراتك

على الغياب اللي بلا عذر ينجيك

خطاي في توضيح وشي غلاتك

وخطاك في توضيح وشو تغليك

وشلون توصيني وتنسا وصاتك

وتصد عن صوتن تقطع يناديك

مافاتك النصح والعذر فاتك

وتبغي الراي الحين ماعاد يمديك

صحيح احبك بس هاذي جزاتك

بعلمك درس يفيدك ويحييك

تدري وش ابيض من خفوقك عباتك

وتدري وش اللي غرني نظرتي فيك

ادري بتستغرب تصبر وجاتك

قصيدة من واحد كان يبغيك

وتبغي تناظر وانت عايش مماتك

شف وحدتك والناس تجلس حواليك

وتبغي تشوف اشجع رجل في حياتك

شفني وانا راحل على كثر ماغليك

محمد بن فطيس المري بتصرف

 

الـرجــال طـيــور تـوصــف بـالـحــرار وكـــل طـيــر فـــي جناحـيـنـه يـطـيــر

ويــن طـيـر يـحـتـري لـــه كـــل جـــار وويـن طيـر يذعـره صـوت الصفـيـر

ويــن طـيـر لا نـهـض شــق الـسـتـار ويــــن طــيــر مـايـصـيـد إلا الـشـريــر

لـــو تـقــول إن الـشـجـاعـة بـالـطـيـار كـان فضلنـا القـطـا عــن كــل طـيـر

الـنــداوي لـــه عـلــى الـفـعــل اقــتــدار والـحــمــامــة بــالــمــحــارم تــســتــديــر

وإن جهـلـت الـزيـن والجـنـس الـدمـار انـشــد الـلــي فـــي معرفـتـهـن خـبـيــر

افـتــهــم مـــنـــي كــــــلام بـاخـتــصــار فرق بين الصوف من سلـك الحريـر

وفــرق بـيـن الـحـب ونـخـال الـشــوار أصلـهـن واحــد لاشــك الــذوق غـيـر

ربــعــة الـطـيــب تــزيــدك بـانـتـصــار تـرفـعـك رفـــع الـعـمــد بــيــت نـظـيــر

والـــردي عـرفــه مـثــل بــيــت هــيــار تـنـقــبــر فــيــهــا ويــدفــنــك الـحـفــيــر

حـقــة الـطـيـب تـجـيـك مـــن الـفـقــار والــــردي يـعـطـيـك كــرســوع الـبـعـيـر

لاتـــرابــــع واحـــــــد بـالــعــهــد بــــــــار وإن وفــــا مــــرة فــهــو خــيــر كـثـيــر

الـتــجــارب خـلــهــا لــــــك مـسـتــشــار لاتـبـي غـيـر الـتـجـارب لـــك شـويــر

لاتــجــي مــدخـــل يـديــنــه بـالـخـبــار مـالـقـى صـيــدة لــقــى داب ضــريــر

وانـت فـي نفسـك علـيـك الــدور دار -لاتـحـســب إنــــك مـخـلــى يـافـقـيــر

وقــــر الـعـالــم وتـلـقــى لـــــك وقـــــار وإن حـقـرت حـقـرت لــو إنــك أمـيــر

والــشــرف لايـسـتــوي فــيـــه انـهــيــار الشرف هو مقضب السيف الشطيـر

والقـنـاعـة مـرجـلـة والـضـعـف عــــار واطـلـب النـجـدة مــن الـوالـي الـقـديـر

لاتــجـــي لـلــنــاس طـلـبـاتــك كـــثـــار كــــل ديـــــوان تــجـــي يــمـــه مـغــيــر

ماخـبـرنـا فـــي هـــل الـشـحـذة تـجــار غـيــر فـقــره كـــل نـفــسٍ لــــه تـعـيــر

خـــل عــــز الـنـفــس لـلـعــورة ســتــار لو فراشك فـي طـرف بيتـك حصيـر

وانــــت لـلـعــودة إلــــى الله بـانـتـظــار واحــــــد مـــالـــه وكـــيـــل ولا مـــديــــر

مــــــدة الله تـمـتــلــي مــنــهــا الــنــقــار تـجــعــل الــغـــدران بـالـمـلــزم تـحــيــر

تـجـعـل الـــوادي مـريــف بـالـخـضـار عـقـب مـاهـو يـابـس قـشـعـة هـشـيـر

الـكــريــم مــعـــان والــفـــارس مــجـــار مــــدي الــواجــب ونــطـــاح الـذخــيــر

والـغــنــى بــالـــذل مـافــيــه اشــتــهــار والـفــقــر بـالــعــز لأمــجـــادك يـثــيــر

مـنـزلـك بـالــذل فـــوق أعـلــى مــنــار ينتـفـضـل عــنــه مـسـكــان الـحـجـيـر

مـرقــدك بـالـعـز فــــي حــــزم الــقــرار يـنـتـفـضـل بـالـمـعــزة عــــــن ســـريـــر

الـغـنــى بـالـنـفـس مــاهــو بـالــصــرار كــــم غــنــي كــــن مـاعــنــده دخــيـــر

كــم فقـيـر فـــي ثـقـيـل الـحـمـل ثـــار وكـــم غـنــي سمـعـتـه سـمـعـة فـقـيــر

لا تـقــول فـــلان يـمـلـك لـــه عــقــار ليـش أنـا مــا أدركــت مثـلـه وأصـيـر

واحـــد مـعـطـي مـاهــو فــيــك غــــار لاتـجــي لأحـــوال خــلــق الله نـظـيــر

ولاتـقــول الـوقــت لايـحـنـي صـطــار ضــربــة خــلـــت دمــاغـــي يـسـتـديــر

غــيـــرك الـدنــيــا تـلــوحــه بـالـحـجــار لـيـن صــار الــدم مـــن خـــده خـريــر

ضــامـــت الـدنــيــا مــدلــلــة الــبــكــار نـازلـيــن الـقـفــر لــــو جــاهـــم نــذيـــر

وانكـشـف بــرق مـثـل لـــون الـشـعـار يـذكــر الـغــزاي بـــه عـشــب وغـديــر

مـــــن رحــمـــه الله وقـبــلــن الـــعـــذار رحـمــة الله تـغـفـر الـذنــب الـخـطـيـر

والأثـيـم مــن الـصـراط أقــرش وعــار إن سـلـم مــن ويــل طـــاح بزمـهـريـر

يـــــا إلــهـــي كـــــان مــالـــي إقـــتـــدار ألتـجـي فــي رحمـتـك وأنــت المجـيـر

الـشـبـاب أقـفــى وأنـــا بــآخــر نــهــار وأرتــجــي فـزعـتــك يـانـعــم الـنـصـيـر